“S&P Global Ratings” beynəlxalq reytinq agentliyi 2022-ci il üçün Azərbaycan iqtisadiyyatının artım proqnozunu daha əvvəl gözlənilən 2,7%-dən 3,5%-dək yaxşılaşdırıb. Bu barədə “İnterfaks-Azərbaycan” agentliyi “S&P”yə istinadən xəbər verir.
2023-2025-ci illərdə Azərbaycanda ÜDM-in artımı ilə bağlı yanvar poqnozları dəyişməyib - 2023-2024-cü illərdə 1,5%, 2025-ci ildə 1%.
“S&P” 2023-2025-ci illərdə Azərbaycan iqtisadiyyatının orta illik artımının təxminən 1,3% təşkil edəcəyini gözləyir.
Agentlik 2022-ci ildə ÜDM-in nominal həcmini $72 milyard (yanvarda $61 milyard), 2023-cü ildə $69 milyard ($60 milyard), 2024-cü ildə $61 milyard ($58 milyard), 2025-ci ildə $64 milyard səviyyəsində ($61 milyard) proqnozlaşdırır.
“Biz 2021-ci ildə 5,6%-dək bərpa olunan Azərbaycan iqtisadiyyatının bu il 3,5% artacağını proqnozlaşdırırıq. Lakin ortamüddətli artım perspektivləri daha zəifdir - köhnəlmiş yataqlar səbəbindən neft hasilatının azalması fonunda 2023-2025-ci illər ərzində orta hesabla illik 1,3% artım, bunun da qaz ixracının artımı ilə qismən kompensasiya ediləcəyi ehtimal edilir”, - deyə agentliyin məlumatında deyilir.
“S&P” 2022-ci ildə Azərbaycanda inflyasiyanı 13% (yanvar proqnozu 6,5%) səviyyəsində proqnozlaşdırır, 2023-cü ildə inflyasiya 9%-dək (4,5%), 2024-cü ildə 6%-dək (3%), 2025-ci ildə 5%-dək (3%) azalacaq.
Agentliyin qiymətləndirmələrinə görə, 2022-ci ildə Azərbaycanın tədiyə balansının cari əməliyyatlar hesabının profisiti ÜDM-in 23,6%-ni (yanvar proqnozu ÜDM-in 10,8%-i), 2023-cü ildə ÜDM-in 13,8%-ni (ÜDM-in 4,5%-i) təşkil edəcək, 2024-cü ildə ÜDM-in 0,7%-i səviyyəsində kəsir (ÜDM-in 0,2%-i səviyyəsində profisit), 2025-ci ildə ÜDM-in 1,4%-i səviyyəsində kəsir (ÜDM-in 0,5%-i səviyyəsində kəsir) proqnozlaşdırılır.
Azərbaycanın hazırda qlobal karbohidrogen qiymətlərindən faydalandığını qeyd edən analitiklər Bakı üçün əlverişli bazar şərtlərinin 2022-ci ilin sonuna qədər və 2023-cü ildə davam edəcəyini proqnozlaşdırır.
Yenilənmiş proqnozlara görə, “Brent” markalı neftin qiyməti 2022-ci ildə orta hesabla$102/barel (yanvar proqnozu $75/barel), 2023-cü ildə $85/barel ($65/barel), 2024-2025-ci illərdə $55/barel (yanvar proqnozuna uyğundur) təşkil edəcək.
Agentlik 2022-ci ildə Azərbaycanın xarici ticarət profisitini ÜDM-in 28,2%-i (yanvar proqnozu ÜDM-in 17,4%-i), 2023-cü ildə ÜDM-in 20,5%-i (ÜDM-in 12,3%-i), 2024-cü ildə ÜDM-in 7,4%-i (ÜDM-in 6,8%-i), 2025-ci ildə ÜDM-in 6,7%-i (ÜDM-in 6,3%-i) səviyyəsində gözləyir.
Agentliyin proqnozlarına görə, ortamüddətli dövrdə Azərbaycanda işsizlik səviyyəsi azalacaq, xüsusilə 2022-ci ildə 5% (yanvar proqnozuna uyğundur), 2023-cü ildə 4,9% (yanvar proqnozuna uyğundur), 2024-2025-ci illərdə illik 4,7% (4%) təşkil edəcək.
Azərbaycan hökuməti 2022-ci ildə ÜDM-in 3,9% artacağını proqnozlaşdırır.
İqtisadiyyat Nazirliyinin yenilənmiş proqnozlarına görə, 2022-ci ildə Azərbaycanda orta illik inflyasiya 12,5%-dək artacaq.
2021-ci ildə Azərbaycanda ÜDM 5,6% artıb.*
R.Kərimov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət