Asiya İnkişaf Bankı (AİB) 2023-cü ildə Azərbaycanda ÜDM artımını 3,5% səviyyəsində proqnozlaşdırır. Bu barədə bankın bu gün dərc olunmuş “Asian Development Outlook 2022” icmalında deyilir.
“İnterfaks-Azərbaycan” agentliyi xəbər verir ki, AİB-in qiymətləndirmələrinə görə, 2024-cü ildə ÜDM 3,8%-dək artacaq.
“Biz 2023-cü ildə Azərbaycanda ÜDM-in mülayim artımını 3,5% səviyyəsində proqnozlaşdırırıq ki, bu da 2024-cü ildə bir qədər sürətlənərək 3,8%-ə çatacaq. Bizim qiymətləndirmələrimizə görə, 2023-cü ildə Azərbaycanda sənaye istehsalı 0,5%, 2024-cü ildə 1% artacaq”, - deyə AİB qeyd edir.
Bank fermerlərə subsidiyaların davam etdirilməsi, onlara güzəştli şərtlərlə kreditlərin verilməsi hesabına Azərbaycanın aqrar-sənaye sektorunda 2023-cü ildə 3,8%, 2024-cü ildə isə 4% artım proqnozlaşdırdığını vurğulayır.
AİB-in hesablamalarına görə, 2023-2024-cü illərdə Azərbaycanın tikinti sektorunda artım müvafiq olaraq 12% və 11% olacaq.
2023-cü il üçün Azərbaycanın xidmət sektorunda artım 7%, sonrakı dövr üçün isə 7,5% səviyyəsində proqnozlaşdırılır və bu artım pərakəndə ticarətin, nəqliyyat sektorunun inkişafı, eləcə də Qazaxıstan neftinin Azərbaycan ərazisindən daşınması hesabına təmin ediləcək.
“AİB Azərbaycanda orta illik inflyasiyanı 2023-cü ildə 7% (2022-ci ildə 13,9% - İF), 2024-cü ildə isə 6,5% səviyyəsində proqnozlaşdırır. Bununla belə, ölkədə minimum əmək haqqı və pensiyaların artırılması (2023-cü ilin əvvəlindən) inflyasiyaya təkan verə bilər”, - deyə bank qeyd edib.
2023-cü ildə Azərbaycanın dövlət büdcəsinin kəsiri ÜDM-in 2,1%-ni, 2024-cü ildə isə ÜDM-in 2,2%-ni təşkil edəcək.
Bank 2023-cü ildə Azərbaycanın tədiyə balansının profisitini ÜDM-in 32,2%-i, 2024-cü ildə ÜDM-in 30,2%-i səviyyəsində proqnozlaşdırır.
AİB neftin orta qiymətinin daha ucuz olmasına baxmayaraq, 2023-cü ildə Azərbaycanın ixracının 0,2% artacağını gözləyir. Bankın qiymətləndirmələrinə görə, gələn il ixrac 2,9% azalacaq. 2023-cü ildə Azərbaycanın xarici ticarətində profisit 6,4% artacaq, 2024-cü ildə 5,6% azalacaq.
Azərbaycan hökuməti 2023-cü ildə ÜDM-n artımını 2,7%, 2024-cü ildə 4,1%, orta illik inflyasiyanı isə müvafiq olaraq 6,9% və 4,5% səviyyəsində proqnozlaşdırır.
2022-ci ildə Azərbaycanda iqtisadi artım 4,6% təşkil edib.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət