2023-cü ilin I rübündə magistral boru kəmərlərinin fəaliyyətindən Azərbaycanın gəlirləri 907 milyon 652,3 min manat (cari məzənnə ilə $534 milyon) təşkil edib ki, bu da 2022-ci ilin müvafiq dövrünün göstəricisindən 3,2% çoxdur. Bu barədə “İnterfaks-Azərbaycan” agentliyinə hökumətdən məlumat verilib.
Magistral neft kəmərlərinin (Bakı-Tbilisi-Ceyhan daxil olmaqla) fəaliyyətindən 267 milyon 400,4 min manat ($157,3 milyon) gəlir əldə edilib. 2022-ci ilin müvafiq dövrü ilə müqayisədə gəlirlərin həcmi 13,6% azalıb.
I rübdə magistral neft kəmərləri şəbəkəsində itkilərin həcmi 0,7 min ton (2022-ci ilin müvafiq dövründə 0,6 min ton) təşkil edib.
2023-cü ilin yanvar-mart aylarında Cənubi Qafqaz boru kəməri magistralı (Bakı-Tbilisi-Ərzurum) daxil olmaqla magistral qaz kəmərlərinin fəaliyyətindən 640 milyon 251,9 min manat məbləğində gəlir ($376,6 milyon) əldə edilib. Ötən ilin I rübü ilə müqayisədə artım 12,3% olub.
Cari ilin I rübünün yekunları üzrə magistral qaz kəmərləri şəbəkəsində itkilərin həcmi 16,2 milyon kubmetr (2022-ci ilin müvafiq dövründə 13,1 milyon kubmetr) təşkil edib. Artım 23,7% olub.
2023-cü ilin yanvar-mart aylarında magistral neft kəmərləri ilə 9 milyon 500,8 min ton neft (artım 9,9%), qaz kəmərləri ilə 10 milyard 996,7 milyon kubmetr qaz (artım 2,1%) nəql edilib. Bununla yanaşı, magistral neft kəmərləri ilə nəqlin ümumi həcmində təxminən 76,3% Bakı-Tbilisi-Ceyhan boru kəmərinin, magistral qaz kəmərləri ilə nəqlin ümumi həcmində 50,1% Cənubi Qafqaz boru kəmərinin payına düşüb.
2022-ci ildə magistral boru kəmərlərinin fəaliyyətindən Azərbaycanın gəlirləri 3 milyard 567 milyon 157 min manat (artım 17%) təşkil edib. Magistral neft kəmərlərinin fəaliyyətindən 1 milyard 238 milyon 913,7 min manat (artım 3,4%), magistral qaz kəmərlərinin fəaliyyətindən 2 milyard 328 milyon 243,1 min manat (artım 25,7%) gəlir əldə edilib.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət