Sentyabrın 9-da Avropa İttifaqı Şurasının prezidenti Şarl Mişel Azərbaycan prezideti İlham Əliyev və Ermənistanın baş naziri Nikol Paşinyanla telefon danışıqları keçirib. Bu barədə çərşənbə günü onun mətbat katibi Yekaterina Kasindje məlumat verib.

"Prezident Mişel son bir neçə gün ərzində Ermənistanın baş naziri Nikol Paşinyan və Azərbaycan prezidenti İlham Əliyevlə sentyabrın 9-da telefon danışıqları zamanı, Türkiyə prezidenti Rəcəb Tayyib Ərdoğanla Nyu-Dehlidə keçirilən G20 sammiti çərçivəsində intensiv təmaslarda olub", - “İnterfaks-Azərbaycan” Aİ Şurası prezidentinin mətbuat katibin bəyanatından sitat gətirir.

Onun sözlərinə görə, bu səylər, həmçinin Avropa İttifaqı Şurasının ofisi və Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Toyvo Klaarın Bakı, İrəvan və Qarabağ ermənilərinin nümayəndələri ilə qarşılıqlı fəaliyyəti gərginliyi azaltmaq və Qarabağa tədarük məsələsini həll etməyə yönəlib.

«Bu kontekstdə bu gün (bazar ertəsi - İF-Az) Ağdam-Əsgəran marşrutu ilə Rusiya humanitar yükünün keçidiyini qeyd edirik», - deyə Mişelin mətbuat katibi «bunun yerli əhaliyə müntəzəm humanitar tədarükün bərpa olunmasına təkan verəcəyinə» ümid ifadə edib.

O, « bu gün (dünən - İF) Ağdam-Əsgəran marşrutunun açılmasını» vacib addım adlandırıb. Kasindje hesab edir ki, bu, Laçın yolundan istifadənin aktivləşməsinə imkan yaratmalıdır.

«Biz bütün maraqlı tərəfləri həm Laçın marşrutunun, həm də Ağdam-Əsgəran marşrutunun istifadəsinin təmin edilməsində məsuliyyət və çeviklik göstərməyə çağırırıq», - AİŞurası prezidentinin mətbuat katibi bildirib.

«Aİ bu hadisələrin ardınca yaxın günlərdə və həftələrdə daha konkret addımların atılacağını o cümlədən Ermənistan-Azərbaycan sülh prosesi ilə bağlı səylərə (...) toxunulacağını gözləyir», - Kasindje əlavə edib. **

R.Kərimov