Azərbaycan hökuməti 2027-ci ildə əsas kapitala investisiya qoyuluşunun 22 milyard 845,8 milyon manata qədər artacağını proqnozlaşdırır.
Hökumətdən “İnterfaks-Azərbaycan” agentliyinə bildirilib ki, proqnozlara görə, 2024-cü ildə iqtisadiyyata kapital qoyuluşu 20 milyard 400,5 milyon manat (2023-cü illə müqayisədə real artım 1% olacaq), 2025-ci ildə 21 milyard 153,4 milyon manat (+1,7%), 2026-cı ildə 21 milyard 962,2 milyon manat (+1,8%), 2027-ci ildə 22 milyard 845,8 milyon manat (+2%) təşkil edəcək.
Beləliklə, 2024-2027-ci illərdə Azərbaycan iqtisadiyyatına ümumi kapital qoyuluşu 86 milyard 361,9 milyon manat məbləğində (cari məzənnə ilə $50,8 milyard – İF) proqnozlaşdırılır.
Proqnozlara görə, 2024-2027-ci illərdə kapital qoyuluşunun əsasını daxili investisiyalar təşkil edəcək. Xüsusilə 2024-cü ildə daxili investisiyaların həcmi 16 milyard 280 milyon manat, 2025-ci ildə 16 milyard 691 milyon manat, 2026-cı ildə 17 milyard 301,8 milyon manat, 2027-ci ildə 17 milyard 938,6 milyon manat məbləğində proqnozlaşdırılır. Beləliklə, 2024-2027-ci illərdə nominal artım 10,2% təşkil edəcək.
Xarici investisiyalar üzrə proqnoz isə aşağıdakı kimidir: 2024-cü ildə 4 milyard 120,5 milyon manat, 2025-ci ildə 4 milyard 462,4 milyon manat, 2026-cı ildə 4 milyard 660,4 milyon manat, 2027-ci ildə 4 milyard 907,2 milyon manat. Beləliklə, 2024-2027-ci illərdə nominal artım 19,1% təşkil edəcək.
Hökumətin qiymətləndirmələrinə görə, 2027-ci ildə iqtisadiyyatın qeyri/neft-qaz sektoruna kapital qoyuluşu 16 milyard 856,4 milyon manata (2024-cü ildə 14 milyard 118,1 milyon manat) çatacaq. Qeyri/neft-qaz sektoruna kapital qoyuluşu üzrə nominal artım 19,4% səviyyəsində proqnozlaşdırılır.
Neft-qaz sektoruna kapital qoyuluşu üzrə proqnoz aşağıdakı kimidir: 2024-cü il - 6 milyard 282,4 milyon manat, 2025-ci il – 6 milyard 310,2 milyon manat, 2026-cı il – 6 milyard 55,5 milyon manat, 2027-ci il – 5 milyard 989,4 milyon manat. Bununla da 2024-2027-ci illərdə neft-qaz sektoruna kapital qoyuluşu üzrə nominal azalma 4,7% səviyyəsində proqnozlaşdırılır.
Xəbər verildiyi kimi, 2023-cü ilin 11 ayı ərzində iqtisadiyyata kapital qoyuluşu 15 milyard 725,9 milyon manat, real artım 16,5% təşkil edib.
2022-ci ildə Azərbaycanda əsas kapitala investisiya qoyuluşu 5,5% artıb.*
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət