Ermənistan Qarabağ probleminin diplomatik həllinə mane olmamaq üçün Dağlıq Qarabağın müstəqilliyini tanımırdı, Bakı onun statusunu müzakirə etməkdən imtina etsə, İrəvan Qarabağın müstəqilliyinin tanınması məsələsinə baxa bilər. Bunu Ermənistanın xarici işlər naziri Ara Ayvazyan deyib.

"Ermənistan yalnız Dağlıq Qarabağ probleminin danışıqlar yolu ilə həllinə nail olmağa imkan vermək üçün onun müstəqilliyini tanımırdı. Azərbaycan tərəfindən hərbi güc tətbiq edilməklə status məsələsinin gündəlikdən çıxarılmasını hesab edənlər yanılırlar", - deyə Ayvazyan “Le monde” nəşrinə müsahibəsində bildirib.

Onun sözlərinə görə, ATƏT-in Minsk qrupunun həmsədrləri Qarabağın statusu məsələsinin danışıqların gündəliyində qalmağa davam etdiyini təsdiqləyiblər.

"Azərbaycan tərəfi bu məsələ ilə razılaşmasa, Ermənistan Qarabağın tanınması məsələsinə baxacaq", - deyə o qeyd edib.*