Bakı Qarabağda yaşayan erməni əhalisini regionda aparılan bərpa işlərinə cəlb etməyə hazırdır, bunun üçün onlar bu ərazinin Azərbaycana aid olduğunu qəbul etməlidirlər. Bu barədə Azərbaycan prezidenti İlham Əliyev bəyan edib.
Əliyev Türkiyənin Anadolu agentliyinə müsahibəsində bildirib ki, hazırda Azərbaycan Qarabağda və Şərqi Zəngəzurda miqyaslı bərpa işləri həyata keçirir.
“Qarabağda yaşayan ermənilər də bütün bunları görürlər, çünki onlar bizim telekanallara baxırlar və bizim radionu dinləyirlər. Onlar orada hansı işlərin həyata keçirildiyini görürlər”, - o qeyd edib.
Prezidentin sözlərinə görə, təsadüfi deyil ki, erməni icmasının nümayəndələri Şuşada bizim hərbi mövqelərimizə gələrək onları işlə təmin etməyi xahiş ediblər. “Onlar orada (Qarabağda - İF) işsizdirlər. Onlar işsizlik, səfalət, çarəsizlik vəziyyətindədirlər. Biz buna müsbət yanaşırıq. Ancaq bu məsələnin hüquqi tərəfi tam həll olunmamlıdır. Biz orada yaşayan erməniləri öz vətəndaşlarımız kimi qəbul edirik. Onlar Azərbaycan torpağında yaşayırlar. Qarabağ hər zaman Azərbaycan ərazisi olub. Biz onları Azərbaycan vətəndaşları olaraq qəbul edirik. Sadəcə, onların da bunu qəbul etmələri lazımdır. Onlar erməni təbliğatından xilas olmalıdırlar. Öz gələcəklərini, uşaqlarının gələcəyini təmin etməlidirlər. Biz onlara həmin işlərdə iştirak etmək üçün imkan verməyə hazırıq. Niyə də yox?”, - Əliyev deyib.
Dövlət başçısı vurğulayıb ki, Azərbaycan strateji nöqteyi-nəzərdən gələcəyə sülh prizmasından baxır. “Çünki mən istəyirəm ki, artıq müharibə olmasın. Əgər Ermənistan tərəfində revanşist axınlar aktivləşməsə, biz yeni müharibəyə başlamayacağıq. Əgər biz Ermənistanda bizə qarşı hər hansı təhlükə görsək, onu məhv etməliyik. Bu bizi qanunla hüququmuzdur. Ancaq əgır belə təhlükə yoxdursa, onda bizim də belə fikirlərimiz yoxdur. Qarabağda yaşayan 25 min erməni bu prosesin bir hissəsinə çevrilə bilərlər. Eyni zamanda, gələcəkdə biz onları yaşadıqları rayonlarda, kəndlərdə imkanlarla təmin edəcəyik”, - Əliyev deyib.
Həmçinin, prezident xatırladıb ki, hazırda azad olunmuş şəhərlərin baş planları hazırlanır. “Yaxın zamanda Cəbrayıl və Füzuli şəhərlərinin və ümumilikdə rayonların baş planları təsdiq olunacaq. Bu bizim gücümüzü göstərir, biz ermənilərin yaşadığı Qarabağın kəndlərində də bunu edə bilərik”, - dövlət başçısı əlavə edib.
Əliyev bildirib ki, azad olunmuş ərazilərdə bütün elektromontaj işləri 2021-ci ilin sonunadək başa çatacaq.
O vurğulayıb ki, həmçinin azad olunmuş ərazilərdə yolların tikintisi davam etdiriləcək. “Biz bunu, ilk növbədə, öz vətəndaşlarımız üçün edirik ki, bu regionu bərpa edək və yaxın zamanda məcburi köçkünlərə ora qaytmağa imkan yaradılsın. Bu ilin sonu və ya gələn ilin əvvəli üçün Zəngilan rayonunda “ağıllı kənd” ilk pilot layihə hazır olacaq. Bunu Qarabağda yaşayan ermənilər də görürlər”, - Azərbaycan prezidenti əlavə edib. **
E.Şəfiyev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət