Çərşənbə axşamı Türkiyə prezidenti Rəcəb Tayyib Ərdoğan və Azərbaycan prezidenti İlham Əliyev telefon söhbəti zamanı Azərbaycanla sərhəddə Ermənistanın törətdiyi təxribatı müzakirə ediblər, həmçinin gələcək təmaslara dair fikir mübadiləsi aparıblar.

Azərbaycan prezidentinin mətbuat xidməti məlumat verir ki, Ərdoğan Ermənistan silahlı qüvvələrinin dövlət sərhədində törətdiyi genişmiqyaslı təxribatların qarşısının alınması zamanı hərbi qulluqçularımızın şəhid olması ilə əlaqədar Əliyevə başsağlığı verdi.

O, Türkiyənin hər zaman Azərbaycanın yanında olduğunu qeyd etdi və ölkələrimizin həmrəy olduqlarını vurğuladı.

“Öz növbəsində, Əliyev Ermənistanın genişmiqyaslı hərbi təxribatının qarşısının Silahlı Qüvvələrimiz tərəfindən şücaətlə və yüksək peşəkarlıqla alındığını, şəhidlərimizin qanının yerdə qalmadığını, onların intiqamının alındığını deyib. Azərbaycan prezidenti bu genişmiqyaslı hərbi təxribatların məsuliyyətinin bilavasitə Ermənistanın üzərinə düşdüyünü bildirdi”, - məlumatda vurğulanır.

Əliyev və Ərdoğan söhbət zamanı Azərbaycanla Türkiyə arasında qardaşlıq və strateji müttəfiqlik münasibətlərinin bütün sahələrdə uğurla inkişaf etdiyi bir daha vurğuladılar.

“Dövlət başçıları gələcək təmaslar barədə fikir mübadiləsi apardılar”, - Azərbaycan liderinin mətbuat xidməti qeyd edib. **

R.Əhmədov