Prezident İlham Əliyev “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nı təsdiq edib.
Sərəncamın və Proqramın mətnləri bu gün dövlət başçısının saytında dərc olunub.
Sərəncama əsasən, Maliyyə Nazirliyinə Dövlət Proqramının 2023–2024-cü illərdə maliyyələşdirilməsi ilə bağlı təkliflərini bir ay müddətində, 2025–2027-ci illərdə maliyyələşdirilməsi ilə bağlı təkliflərini isə 2024-cü il iyulun 1-dək hazırlayıb Nazirlər Kabinetinə təqdim etmək tapşırılıb.
Nazirlər Kabinetinə Dövlət Proqramının Tədbirlər Planına və müəyyənləşdiriləcək maliyyə vəsaitinin həcminə uyğun olaraq, üç ay müddətində 2023–2024-cü illər üzrə, 2024-cü il sentyabrın 1-dək isə 2025–2027-ci illər üzrə tədbirlər planında nəzərdə tutulmuş məsələlərin icrasının təmini üçün daha təfsilatlı tədbirlər planlarının layihələrini Azərbaycan Respublikasının Prezidentinə təqdim etmək tapşırılıb.
Bundan başqa, Nazirlər Kabineti Dövlət Proqramında nəzərdə tutulmuş tədbirlərin həyata keçirilməsini əlaqələndirməli və Dövlət Proqramının icrası barədə ildə bir dəfə Azərbaycan Respublikasının Prezidentinə məlumat verməlidir.
Dövlət Proqramında nəzərdə tutulmuş tədbirlərin icrasının monitorinqini və qiymətləndirilməsini İqtisadi İslahatların Təhlili və Kommunikasiya Mərkəzi həyata keçirəcək.
Azərbaycan Respublikasının Maliyyə və İqtisadiyyat nazirliklərinə və Naxçıvan Muxtar Respublikasının Nazirlər Kabinetinə Dövlət Proqramında nəzərdə tutulmuş tədbirlərin maliyyələşdirilməsi məqsədilə hər il Azərbaycan Respublikası dövlət büdcəsinin, dövlət investisiya proqramlarının və Naxçıvan Muxtar Respublikası dövlət büdcəsinin tərtibi prosesində zəruri maliyyə vəsaitinin nəzərdə tutulması üçün müvafiq tədbirlər görmək tapşırılıb.
Dövlət Proqramında 11 prioritet istiqamət müəyyən olunub: əlverişli biznes mühitinin yaradılması; ticarətin inkişafı; ixracyönlü sənayenin inkişafı; kənd təsərrüfatı məhsulları istehsalının və emalının inkişafı; turizmin inkişafı; elektrik enerjisi istehsalının və ixracının artırılması; infrastruktur təminatının inkişafı; sosial sektorun inkişafı; insan kapitalının inkişafı; institusional inkişaf; ətraf mühitin mühafizəsinin gücləndirilməsi.
Bu prioritetlərin həyata keçirilməsi 5 əsas hədəfə nail olmağa imkan verəcək: dayanıqlı inkişafın təmin olunması; məşğulluq imkanlarının artırılması; əhalinin həyat səviyyəsinin yüksəldilməsi; təbii ehtiyatlardan səmərəli istifadə edilməsi; ətraf mühitin mühafizəsinin təmin olunması.
Dövlət Proqramının iki mərhələdə - 2023–2024-cü illərdə və 2025–2027-ci illərdə həyata keçirilməsi nəzərdə tutulur.
Dövlət Proqramı çərçivəsində Naxçıvanda azad iqtisadi zonanın yaradılması ilə bağlı təkliflərin hazırlanması; xarici investorların cəlb olunmasına dəstək göstərilməsi; bank və sığorta xidmətlərinin əhatə dairəsinin genişləndirilməsi; gömrük sərhəd buraxılış məntəqələrində keçidin sürətləndirilməsi və yükötürmə qabiliyyətinin artırılması planlaşdırılır. Bütün bu tədbirlərin 2023-2027-ci illərdə həyata keçirilməsi nəzərdə tutulur.
Bundan əlavə, Naxçıvan Muxtar Respublikası ərazisində xüsusi gömrük zonasının yaradılması; Naxçıvanda istehsal olunan məhsulların digər bazarlara ixracını təşviq etmək məqsədilə logistik dəstək verilməsi; Naxçıvanda sənaye parkının yaradılması; Şərur Sənaye Məhəlləsinin fəaliyyətə başlamasının təmin edilməsi; kənd təsərrüfatı sektorunda müxtəlif istiqamətlərin inkişaf etdirilməsi; aqroparkların yaradılması planlaşdırılır. Bu tədbirlər də 2023-2027-ci illəri əhatə edəcək.
Proqramda, həmçinin turizm infrastrukturunun yaxşılaşdırılması ilə bağlı tədbirlər; dövlət–özəl tərəfdaşlığı ilə yeni istilik elektrik stansiyalarının tikintisi; mövcud elektrik stansiyalarının və elektrik enerjisi verilişi sisteminin yenidən qurulması; bərpa olunan enerji mənbələri hesabına elektrik enerjisi istehsalının fəal şəkildə inkişaf etdirilməsi; elektrik enerjisi ixracının təşkili; internet infrastrukturunun yaxşılaşdırılması; aşağı büdcəli hava nəqliyyatı şirkətləri tərəfindən uçuşların təşkil edilməsi; dəmir yolu infrastrukturunun inkişaf etdirilməsi; qaz kəmərlərinin çəkilməsi; özəl təhsil və tibb müəssisələrinin yaradılmasının təşviq edilməsi və.s nəzərdə tutulur.*
N.Abbasova
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət