Avropa İttifaqı Şurasının prezidenti Şarl Mişel bazar ertəsi Türkiyə prezidenti Rəcəb Tayyip Ərdğanla görüşdə Aİ ilə Ankara arasında münasibətlərin aktivləşdirilməsi üzrə tədbirləri və İsveçin NATRO-ya qoşulması problemini müzakirə edib.

"NATO sammiti çərçivəsində prezident Ərdoğanla yaxşı görüş keçirdim. Aİ ilə Türkiyə arasında əməkdaşlığın ön plana qaytarılması və münasibətlərimizin canlandırılması imkanlarını araşdırdıq", - Mişel Twitter hesabında yazıb.

«Biz həmçinin İsveçin NATO-ya qoşulmasını müzakirə etdik», - Aİ Şurasının prezidenti əlavə edib.

Bundan əlavə, Mişel Ərdoğana Türkiyənin Qara dəniz taxıl təşəbbüsündə vasitəçiliyinə və onun fəaliyyətini təmin etdiyinə görə minnətdarlığını bildirib. **