Energetika Nazirliyinin operativ məlumatlarına əsasən, 2024-cü ilin yanvar ayında Azərbaycanda neft-kondensat ixracı 2.1 milyon ton olub. “İnterfaks-Azərbaycan” agentliyi xəbər verir ki, bunu energetika naziri Pərviz Şahbazov deyib.

Nazir “X” hesabında yazıb ki, bu ilin yanvar ayında operativ məlumatlara əsasən, neft-kondensat hasilatı 2.5 milyon ton olub.

Dövlət Statistika Komitəsinin məlumatına əsasən, 2023-cü ildə Azərbaycanda 30 milyon 189,6 min ton neft (qaz-kondensatla birgə) hasil edilib, bu da 2022-ci ilin göstəricisindən 7,5% azdır.

Azərbaycan hökuməti 2024-cü ildə ölkədə neft hasilatını 29 milyon ton həcmində proqnozlaşdırır.**

N.Abbasova