Türkiyənin Rusiyadan aldığı S-400 zenit-raket sistemləri F-35 qırıcıları ilə bağlı layihənin həyata keçirilməsi kontekstində Ankara-Vaşinqton münasibətlərində əvvəlki kimi problemli məsələ olaraq qalır. Bunu ABŞ-ın Türkiyədəki səfiri Ceff Fleyk NTV telekanalının efirində deyib.
Onun sözlərinə görə, bu təyyarələrlə bağlı məsələ Türkiyə xarici işlər naziri Hakan Fidanın mart ayında Birləşmiş Ştatlara səfəri zamanı gündəmə gəlib.
“Daha əvvəl də deyildiyi kimi, S-400-lər hələ də problem olaraq qalır. Bunun həlli yolunu tapmaq istəyirik. Dövlət katibinin müavini Viktoriya Nuland bununla bağlı öz təkliflərini irəli sürmüşdü. Biz bu problemi həll etmək istəyirik, lakin hələ uğur əldə etməmişik”, - deyə amerikalı diplomat bildirib.
O, həmçinin iki ölkə arasında Suriya ilə bağlı fikir ayrılığının olduğunu deyib. Səfir qeyd edib ki, Türkiyə İslam Dövlətinə qarşı müharibədə vacib müttəfiqdir.
“Türkiyə və Amerika Şimali Suriya ilə bağlı hər zaman eyni fikirdə deyil, lakin bölgədə sülhü təmin etmək və İslam Dövlətinin mövcudluğuna son qoymaq üçün ölkələrimiz digər mövzularda əməkdaşlıq yolları axtarır”, - deyə Fleyk vurğulayıb.
Onun sözlərinə görə, son aylarda ABŞ və Türkiyə arasında münasibətlər yaxşılaşıb. Səfir əlavə edib ki, iki ölkə arasında dialoq üçün yeni ümumi mövzular yaranıb.
Qeyd edək ki, Ankara Rusiya ilə S-400 zenit-raket komplekslərinin alınması haqqında müqavilə bağladıqdan sonra Vaşinqton Türkiyəni F-35 proqramından çıxarıb. Ankara ABŞ-ın “Patriot”un xeyrinə Rusiya sistemlərindən imtina etməsi tələbi ilə razılaşmayıb.*
V.Əliyev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət