Bakı Avropa İttifaqının (Aİ) 2027-ci ildən sonra Azərbaycandan əlavə qaz həcmlərinin alınacağı ilə bağlı zəmanət verməsində maraqlıdır. Bunu Azərbaycan Respublikasının xarici işlər nazirinin müavini Elnur Məmmədov deyib.
2022-ci ilin iyul ayında Azərbaycan ilə Avropa İttifaqı arasında enerji sahəsində strateji tərəfdaşlığa dair Anlaşma Memorandumu imzalanıb. Memorandum Azərbaycan qazının Avropaya ixrac həcminin ən azı 20 milyard kubmetrə qədər artırılmasını nəzərdə tutur.
“Avropanın indi alternativ təchizatçıya ciddi ehtiyacı var. Biz əmin olmalıyıq ki, bu, Ukraynadakı müharibə fonunda yaranan, sonra dayanan və sizin yenidən Rusiyadan qaz almağı davam etdirəcəyiniz və Azərbaycan qazının sizə artıq lazım olmadığını deyəcəyiniz kortəbii tələb deyil”, - deyə E.Məmmədov “Financial Times” (FT) nəşrinə müsahibəsində bildirib.
Onun sözlərinə görə, Azərbaycan qazının Avropaya tədarükünü iki dəfə artırmaq üçün müvafiq investisiyalar lazımdır və investisiya qoyuluşunu bütün maraqlı tərəflər həyata keçirməlidir.
E.Məmmədov əlavə edib ki, Azərbaycan bu prosesə öz töhfəsini verməyə hazırdır, eyni zamanda, Aİ-nin bu istiqamətdə fəallaşacağını gözləyir.
“S&P Global Commodity Insights” şirkətindən Loran Rusetskas “Financial Times”a bildirib ki, Azərbaycan qısa müddətdə İtaliya və Bolqarıstana qaz ixracını bir qədər artıra bilsə də, daha çox həcm həm hasilat, həm də logistikaya əhəmiyyətli investisiyalar tələb edəcək. "Heç bir ölkə uzunmüddətli alıcısı olmadan milyardlarla dollarlıq inkişaf riskini öz üzərinə götürməz”, - deyə o vurğulayıb.
Avropa Komissiyasında nəşrin potensial özəl və dövlət investorları ilə danışıqların davam edib-etməməsi sualına cavab verməkdən imtina ediblər. “Enerji sahəsində əməkdaşlığın müsbət təcrübəsinə və həlledici məqamda Cənub Qaz Dəhlizi vasitəsilə qaz tədarükünün uğurla başlanmasına əsaslanaraq, Aİ Azərbaycanı enerji ticarətində etibarlı və strateji tərəfdaş kimi görür”, - deyə adı açıqlanmayan Aİ rəsmisi nəşrə bildirib.
Azərbaycan qazının TAP kəməri ilə İtaliya, Yunanıstan və Bolqarıstana tədarükünə 2020-ci il dekabrın 31-də başlanılıb.
2021-ci ildə Azərbaycan Avropaya 8,2 milyard kubmetr qaz ixrac edib. 2022-ci ildə Avropaya ixracın 11,5 milyard kubmetr təşkil edəcəyi, 2027-ci ilədək isə 20 milyard kubmetrə qədər artacağı proqnozlaşdırılır.*
R.Kərimov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət