Azərbaycan “Şahdəniz” yatağından Türkiyəyə qaz tədarükünü müvəqqəti dayandırıb. Bu barədə “İnterfaks-Azərbaycan” agentliyinə “BP-Azerbaijan” şirkətindən (“Şahdəniz” yatağının işlənməsinə dair layihənin texniki operatoru - İF) məlumat verilib.
“Türkiyənin “BOTAS” şirkətinin xahişi ilə gecə saatlarından etibarən “Şahdəniz” yatağından Türkiyəyə qaz tədarükü müvəqqəti dayandırılıb. Bununla yanaşı, “Şahdəniz” yatağından Azərbaycan qazının Cənubi Qafqaz magistral boru kəməri vasitəsilə (Bakı-Tiflis-Ərzurum – İF) Azrbaycana və Gürcüstana, o cümlədən Bakı-Tiflis-Ceyhan neft kəmərlərinin nasos stansiyalarına tədarükü normal rejimdə davam etdirilir”, - deyə “BP-Azerbaijan” şirkətinin nümayəndəsi qeyd edib.
Lakin o Türkiyəyə qaz tədarükünün dayandırılması və bərpası müddətini dəqiqləşdirməyib.
Türkiyə mətbuatının məlumatına görə, Bakı-Tiflis-Ərzurum qaz kəməri vasitəsilə Azərbaycan qazının müvəqqəti dayandırılmasına kəmərin Türkiyə hissəsində partlayış səbəb olur. Qaz kəmərinin operatoru Türkiyənin “BOTAS” şirkətidir.
“Bakı-Tiflis-Ərzurum qaz kəmərinin Türkiyə hissəsində partlayış çərşənbə günü 20:00 radələrində Qars vilayətinin Sarıqamış kəndi yaxınlığında baş verib. Partlayış nəticəsində alovun hündürlüyü 75 metri ötüb. Partlayışın səbəbləri məlum deyil. Türkiyə höküməti araşdırmalara başlayıb”, - deyə mətbuatda qeyd olunur.
Xəbər verildiyi kimi, uzunluğu 690 km olan Bakı-Tiflis-Ərzurum Cənubi Qafqaz qaz kəməri (Azərbaycan ərazisində 442 km və Gürcüstan ərazisində 248 km) “Şahdəniz” yatağından “Mərhələ-1” çərçivəsində hasil edilən Azərbaycan qazının Türkiyəyə nəqli üçün çəkilib.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 25,5%), “Statoil” (25,5%), SOCAR (10%), “LUKoil” (10%), “NICO” (10%), “Total” (10%) və “TPAO” (9%) şirkətləridir. “Mərhələ-1” çərçivəsində Türkiyə, Azərbaycan və Gürcüstan arasında qazın satışına dair sazişlər imzalanıb.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
“Nar” voleybol üzrə milli komandalarımıza Qızıl Avropa Liqasında uğurlar arzulayır!
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət