Azərbaycan hökuməti Avropa Yenidənqurma və İnkişaf Bankı (AYİB) ilə əməkdaşlığın genişləndirilməsində maraqlıdır. Bu barədə Azərbaycanın iqtisadiyyat və sənaye naziri Şahin Mustafayev bəyan edib.
İqtisadiyyat və Sənaye Nazirliyinin məlumatına görə, 15-16 may tarixlərində Ş.Mustafayev Varşavada AYİB-in Müdirlər Şurasının XXIII illik toplantısında iştirak edib.
Nazir çıxışında ölkə iqtisadiyyatı, aparılan islahatlar, uğurla davam etdirilən sosial-iqtisadi siyasət nəticəsində əldə olunmuş nailiyyətlər barədə məlumat verib.
Azərbaycanda beynəlxalq maliyyə institutları, o cümlədən AYİB-lə əlaqələrin genişləndirilməsinə xüsusi əhəmiyyət verildiyini vurğulayan Ş.Mustafayev bankın ölkəmizdə həyata keçirilən layihələrdə iştirakını yüksək qiymətləndirib, AYİB-i özəl sektoru dəstəkləməkdə daha fəal olmağa dəvət edib, bankın fəaliyyətinin özəl səhm kapitalına investisiya və şirkətlərə birbaşa kredit vəsaitlərinin artırılması, eləcə də korporativ idarəetmə standartlarının inkişafı yolu ilə daha da genişləndirilməsini təklif edib.
Azərbaycan 1992-ci ildən AYİB-in üzvüdür. 31 mart 2014-cü il tarixinə olan məlumata görə, AYİB Azərbaycanda 146 layihənin maliyyələşdirilməsini təqdir edib. Bankın həmin layihələrə investisiyaları 1,82 mlrd. avro həcmində qiymətləndirilir (1,09 mlrd. avro sərf olunub). Hazırda bank respublikada 66 layihə reallaşdırır və 820,5 mln. avro həcmində aktiv portfelə malikdir. Bankın portfelinin 49%-i özəl sektorun, 4%-i kapitala investisiyaların payına düşür.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət