2020-ci ilin yanvar-aprel aylarında Azərbaycanda 672 ədəd minik avtomobili istehsal edilib. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.
“Cari ilin yanvar-aprel aylarında avtomobil istehsalı 2019-cu ilin müvafiq dövrü ilə müqayisədə 54,1% artıb. 1 may 2020-ci il tarixinə anbarlarda 218 ədəd minik avtomobili var”, - Komitədən bildirilir.
Həmçinin, apreldə avtomobil istehsal edilməyib.
Bundan başqa, yanvar-aprel aylarında Azərbaycanda 105 ədəd müxtəlif təyinatlı traktor istehsal edilib, bu da 2019-cu ilin analoji dövrünün göstəricisindən 73,9% azdır. Apreldə 20 traktor istehsal edilib.
2020-ci il mayın 1-nə anbarlarda 281 ədəd traktor var.
Azərbaycanda (Neftçala, Gəncə və Naxçıvanda) avtomobil istehsalı üzrə 3 zavod fəaliyyət göstərir. Eyni zamanda, Gəncə avtomobil zavodunda kənd təsərrüfatı texnikası da istehsal olunur. Hazırda avtomobil istehsalı yalnız Neftçala avtomobil zavodunda həyata keçirilir.
Ortamüddətli perspektivdə Azərbaycanda avtomobil istehsalının ildə 5 min ədədə çatdırılması nəzərdə tutulur.
2019-cu ildə Azərbaycanda 2,36 min ədəd minik avtomobili istehsal edilib, bu da 2018-ci ilin göstəricisindən 2,4 dəfə çoxdur. 2019-cu ildə Azərbaycanda 905 ədəd müxtəlif təyinatlı traktor istehsal edilib (azalma 30,5%).
Martın 24-dən Azərbaycanda COVİD-19 səbəbindən xüsusi karantin rejimi qüvvədədir. Karantin mayın 31-dək qüvvədə qalacaq, lakin aprelin 27-dən Azərbaycan hökuməti karanrinin 3 mərhələdə yumşaldılmasını reallaşdırır. **
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət