Ermənistan Qarabağa dair üçtərəfli razılaşmaların həyata keçirilməsində konstruktiv yanaşma nümayiş etdirmir, prosesi əngəlləyir. Bunu xarici işlər naziri Ceyhun Bayramov deyib.
“Ermənistan 30 il ərzində Azərbaycan ərazisində həyata keçirdiyi hərbi cinayətləri davam etdirir. Bu gün bu, mina xəritələrinin verilməsindən imtina etməklə davam edir və nəticədə altı ay ərzində (Qarabağda müharibənin başa çatmasından sonra – İF) 22 nəfər həlak olub, 100-dən çox insan yaralanıb. Təəssüf ki, bu faciəli statistikanın Rusiya sülhməramlıları ilə də bağlılığı var. Ermənistan, həmçinin hələ birinci Qarabağ müharibəsi dövründə itkin düşmüş 4 min azərbaycanlı haqqında məlumat verməkdən də imtina edir”, - deyə Bayramov bu gün rusiyalı həmkarı Sergey Lavrovla keçirilən birgə mətbuat konfransında bildirib.
XİN başçısı Ermənistanı nizamlanma prosesini ləngitmək cəhdlərində və üçtərəfli sazişlərin şərtlərinə əməl etməməkdə ittiham edib.
“Təəssüf ki, biz tez-tez Ermənistan tərəfindən qeyri-konstruktiv yanaşma görürük. Çox vaxt bu yanaşmalar üçtərəfli bəyanatların yerinə yetirilməsini ləngidir, prosesə lüzumsuz gərginlik, əsəbilik verir və ona əngəl törədir. Üçtərəfli bəyanatların pozulması faktları arasında erməni hərbçilərin ötən ilin noyabr ayının sonu və dekabrın əvvəllərində Azərbaycan ərazisinə soxulması cəhdini və cinayət törətmələrini qeyd etmək olar, bunun nəticəsində azərbaycanlı hərbçilər yaralanıb və həlak olub. Hazırda həmin şəxslərin bir hissəsi ilə bağlı araşdırmalar davam etdirilir”, - deyə Bayramov bildirib. O əlavə edib ki, bu şəxslər üçün beynəlxalq hüquqa uyğun olaraq bütün lazımi saxlanma şəraiti yaradılıb.
Bayramov Ermənistan cəmiyyətində revanşist əhval-ruhiyyənin qalmasının təhlükəli olduğunu da qeyd edib.
“Bu meyilləri çox təhlükəli hesab edirik və onları diqqətlə izləməyə davam edəcəyik”, - deyə XİN başçısı əlavə edib.*
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət