Fransa etnik azlıqlar konsepsiyasını qəbul etmir, eyni zamanda, özünü Azərbaycandakı erməni milli azlığının müdafiəçisi kimi göstərməyə çalışır. Bu barədə Azərbaycan prezidenti İlham Əliyev bəyan edib.

“Fransa hətta Korsika dilinə qadağa qoyur və etnik azlıqlar konsepsiyasını qəbul etmir, lakin, eyni zamanda, özünü Azərbaycandakı erməni milli azlığının müdafiəçisi kimi göstərməyə çalışır. Bu, riyakarlıq və ikili standartlardan başqa bir şey deyil”, - Əliyev çərşənbə günü Qoşulmama Hərəkatının Əlaqələndirmə Bürosunun Bakıda keçirilən “Qoşulmama Hərəkatı: meydana çıxan çağırışlarla mübarizədə birgə və qətiyyətli” mövzusunda Nazirlər görüşündə bildirib.

Dövlət başçısı vurğulayıb ki, Fransa hakimiyyəti “başqalarına mühazirə oxumağa cəhd etmək əvəzinə”, öz ölkəsində bu cür narahatedici meyillərlə mübarizə aparmalıdır. **

B.Rüstəmbəyov