2023-cü ilin yanvar-sentyabr aylarında Azərbaycanın dövlət büdcəsinin kəsiri 1 milyard 137,6 milyon manat və ya hesabat dövrü ərzində ÜDM-in 1,25%-ni təşkil edib. Bu barədə “İnterfaks-Azərbaycan”a Maliyyə Nazirliyindən məlumat verilib.
Nazirliyin məlumatına görə, dövlət büdcəsinin gəlirləri 22 milyard 76,9 milyon manat (2022-ci ilin yanvar-sentyabr ayları ilə müqayisədə azalma 1,5%) təşkil edib. Həmçinin, gəlirlər üzrə plan 87,4% icra olunub.
2023-cü ilin yanvar-sentyabr ayları üzrə dövlət büdcəsinin daxilolmalarının 59,5%-i qeyri neft-qaz sektoru üzrə daxilolmalar təşkil etməklə 13 milyard 130,8 milyon manat(2022-ci ilin yanvar-sentyabr aylarının göstəricisndən +13,2%) olub, proqnoz 106% icra olunub.
Neft-qaz gəlirləri 8 milyard 946,1 milyon manat (azalma 17,2%) və ya büdcə gəlirlərinin 40,5%-ni təşkil edib, proqnoz 69,5% icra olunub.
Bütövlükdə, gəlirlərin strukturunda Dövlət Vergi Xidməti xətti ilə daxilolmalar 12 milyard 810,7 milyon manat (+22,6%, proqnoz 106% cra olunub), Dövlət Gömrük Komitəsinin xətti ilə - 4 milyard 706,6 milyon manat (+11,3%, proqnoz 107,1% icra olunub), ARDNF-dən transfertlər – 3 milyard 550 milyon manat (-45,7%, proqnoz 45,6% icra olunub) təşkil edib, qalanı digər mənbələrdən formalaşıb.
2023-cü ilin yanvar-sentyabr aylarında dövlət büdcəsinin xərcləri 23 milyard 214,5 milyon manat (artım 13,4%) təşkil edib, proqnoz 100,6% icra olunub.
Xərclərin strukturunda dövlət büdcəsi xərclərinin 14 milyard 118,4 milyon manatı və ya 60,8%-i cari xərclərə, 8 milyard 382,4 milyon manatı və ya 36,1%-i əsaslı xərclərə, 713,7 milyon manatı və ya 3,1%-i dövlət borcuna və öhdəliklərinə xidmətlə bağlı xərclərə yönəldilib.
Müdafiə və milli təhlükəsizlik xərcləri 91,3% icra edilməklə 3 milyard 468,9 milyon manat,sosial müdafiə və sosial təminat xərcləri 118,2% icra edilməklə 3 milyard 214,1 milyon manat,təhsil xərcləri 97,6% icra edilməklə 2 milyard 709,1 milyon manat,ümumi dövlət xidmətləri xərcləri 91,9% icra edilməklə 2 milyard 486,3 milyon manat,səhiyyə xərcləri 106,8% icra edilməklə 1 milyard 214 milyon manat, kənd təsərrüfatı xərcləri 89,4% icra edilməklə 676,9 milyon manat,iqtisadi fəaliyyət xərcləri 108,6% icra edilməklə 6 milyard 431,5 milyon manat təşkil edib.
Cari ilin yanvar-sentaybr aylarında Azərbaycan hökuməti işğaldan azad olunmuş ərazilərin (Qarabağ və Şərqi Zəngəzurun) yenidən qurulması və bərpasına 3 milyard 741 milyon manat yönəldib.
Maliyyə Nazirliyinin məlumatına görə, 9 ay ərzində icmal büdcənin gəlirləri 36 milyard 889,3 milyon manat (+24,1%), xərcləri – 25 milyard 898,4 milyon manat (+ 14,7%) təşkil edib. İcmal büdcənin profisiti 10 milyard 990,9 milyon manat və ya hesabat dövrü əfrzində ÜDM-in 12,1%-ni təşkil edib.
2023-cü il dövlət büdcəsinin gəlirləri üzrə yenilənmiş proqnoz 33 milyard 779,5 milyon manat, xərcləri üzrə proqnoz 36 milyard 568,8 milyon manat təşkil edib. Dövlət büdcəsinin kəsiri 2 milyard 789,3 milyon manat və ya ÜDM-in 2,5%-i səviyyəsində proqnozlaşdırılır.**
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət