Azərbaycan COP29-un prezidenti kimi xüsusi rola malik olacaq. Bunu Prezident İlham Əliyev yanvarın 10-da yerli televiziya kanallarına müsahibəsində deyib.

“Proseslərin gedişatı bizim mövqeyimizdən böyük dərəcədə asılı olacaq”, - deyə dövlət başçısı bildirib.

Onun sözlərinə görə, Azərbaycan artıq bir neçə ölkədən əməkdaşlıq təklifi (COP29-a hazırlıq çərçivəsində - İF) alıb.

“Biz bütün ölkələrlə əməkdaşlığa hazırıq, bu, bizim üçün də böyük bir təcrübə olacaq. Çünki bu, yenə də hesab edirəm ki, dünyanın bir nömrəli beynəlxalq tədbiridir, beynəlxalq konfransıdır, həm dünya ictimaiyyətinin diqqəti nöqteyi-nəzərindən, BMT Baş Assambleyasından da daha mötəbərdir”, - deyə prezident əlavə edib.

COP29 2024-cü ilin noyabr ayında Azərbaycanda keçiriləcək.*

R.Əhmədov