Azərbaycan Qida Təhlükəsizliyi Agentliyi (AQTA) 2020-ci ildə Rusiyadan ölkəyə taxıl və kartof tədarükündə tələblərə cavab verməyən 45 fakt aşkarlayıb. "İnterfaks-Azərbaycan" agentliyinin verdiyi xəbərə görə, bu barədə Rusiyanın Baytarlıq və Fitosanitar Nəzarət üzrə Federal Xidmətinin (“Rosselxoznadzor”) yaydığı məlumatda bildirilir.
Bu və digər məsələlər fevralın 5-də “Rosselxoznadzor”un rəhbərinin müavini Anton Karmazin ilə AQTA-nın rəhbərlərinin müavinləri Zəkiyyə Mustafayeva və Balarəhim Quliyev arasında keçirilmiş videokonfransda müzakirə edilib.
“Azərbaycan tərəfi qeyd edib ki, ölkə tərəfindən alınan taxılın ümumi həcminin 90%-dən çoxu Rusiya məhsullarının payına düşür. Azərbaycan Rusiya ilə məhsuldar ticarət əlaqələrini yüksək qiymətləndirir. Bununla yanaşı, AQTA 2020-ci ildə Rusiyadan ölkəyə taxıl və kartof tədarükündə tələblərə cavab verməyən 45 faktın aşkar edilməsindən narahatdır. Buğda tədarükündə 36 halda bu məhsulun yabanı otlarla qarışıq halda olduğu, 1 halda qarğıdalı və 8 halda nematoda yoluxmuş kartof müəyyən edilib”, - deyə məlumatda qeyd olunur.
AQTA aşkar etdiyi pozuntular barədə “Rosselxoznadzor”a bildirişlər göndərmədiyini təsdiqləyib.
A.Karmazin ölkələr arasında ticarət əməkdaşlığının vacibliyini vurğulayaraq, Rusiyadan Azərbaycana hər il təxminən 1,5 milyon ton taxıl və ondan emal olunan məhsulların göndərildiyini bildirib. “İdxalçı ölkələrin taxıl tədarükündə tələblərinin yerinə yetirilməsini təmin etmək “Rosselxoznadzor”un prioritet vəzifəsidir”, - deyə o əlavə edib.
A.Karmazin Azərbaycan tərəfinə Rusiya taxılında aşkarlanan uyğunsuzluqlarla bağlı hər hal üzrə rəsmi bildiriş göndərilməsini xahiş edib. O, hər bir halın hərtərəfli araşdırılacağını və bu hallara yol verən ixracatçılara qarşı müvafiq tədbirlər görüləcəyini qeyd edib.
Videokonfrans zamanı, həmçinin iki ölkənin fitosanitariya sahəsində informasiya sistemlərinin inteqrasiyası məsələsi də müzakirə edilib.
“Tərəflər bu işin vacibliyini bildirib və xidmətlərin məsul mütəxəssisləri səviyyəsində texniki məsləhətləşmələrin aparılması barədə razılığa gəliblər”, - deyə məlumatda qeyd edilir.*
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət