Moskva Azərbaycan və Ermənistan arasında sülh müqaviləsi danışıqları üçün platforma təqdim etməyə hazır olduğunu təsdiq edib.
“Rusiyanın sülh müqaviləsi üzrə Ermənistan-Azərbaycan danışıqları üçün platforma təqdim etmək təklifi qüvvədə qalır”, - deyə Rusiya Xarici İşlər Nazirliyinin sözçüsü Mariya Zaxarova bildirib.
Ermənistanın baş naziri Nikol Paşinyanın yanvarın 10-da keçirdiyi mətbuat konfransında Ermənistan tərəfinin Rusiyanın təklifləri əsasında belə bir sənəd imzalamağa hazır olması ilə bağlı açıqlamasını şərh edən M.Zaxarova qeyd edib ki, Ermənistan tərəfinin mövqeyini qiymətləndirmək çətindir, çünki rəsmi İrəvanın eyni məsələ ilə bağlı bəyanatları ciddi şəkildə fərqlənir: “Bu mətbuat konfransında Ermənistanın baş naziri həm Rusiyanın təklifləri əsasında sənəd imzalamaq niyyətindən, həm də münaqişənin Qərbin təşviq etdiyi hansısa “hərtərəfli həll”ə üstünlük verilməsindən danışıb”.
O xatırladıb ki, 2022-ci il dekabrın 23-də Moskvada Ermənistan və Azərbaycan xarici işlər nazirlərinin sülh müqaviləsi üzrə görüşü keçirilməli idi. “Ancaq Ermənistan tərəfi xarici işlər naziri Ararat Mirzoyanın səfərini ləğv etdi. Bu, təkcə sülh müqaviləsinin deyil, həm də Ermənistan-Azərbaycan münasibətlərinin normallaşması ilə bağlı digər aktual məsələlərin, o cümlədən Laçın dəhlizi ətrafında vəziyyətin müzakirəsinə mane oldu”, - deyə M.Zaxarova vurğulayıb.
O əlavə edib ki, müəyyən edilmiş problemlərin həlli üçün birgə işi davam etdirmək lazımdır.
“Əgər erməni tərəfdaşlar həqiqətən də müəyyən edilmiş problemlərin üçtərəfli sazişlərin hərtərəfli həyata keçirilməsinə uyğun olaraq həllində maraqlıdırlarsa, o zaman sxolastika ilə məşğul olmaqdansa, birgə işi davam etdirmək lazımdır”, - deyə RF XİN rəsmisi qeyd edib.*
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət