2019-cu ilin yanvar-iyul aylarında Azərbaycan və Özbəkistan arasında ticarət dövriyyəsi 72% artıb. Bu barədə Özbəkistanın Bakıdakı səfiri Şerzod Fayziyev məlumat verib.
“İki ölkə arasında iqtisadiyyat və ticarət sahələrində də müsbət dinamika yaranıb. Onların arasında iqtisadiyyat naziri Şahin Mustafayev və kənd təsərrüfatı naziri İnam Kərimovun Özbəkistana səfərlərini xüsusilə qeyd etmək lazımdır. Səfərlər çərçivəsində iki ölkənin rəsmi və işgüzar dairələrinin iştirakı ilə dəyirmi masa keçirilib, İKT, tikinti, kənd təsərrüfatı, nəqliyyat sahələrində B2B formatında görüşlər təşkil olunub”, - deyə o, bu gün Özbəkistanın Müstəqillik günü münasibətilə Bakıda təşkil edilən rəsmi qəbulda çıxışı zamanı bildirib.
Diplomat qeyd edib ki, bu səfərlər və keçirilən tədbirlər iqtisadi diplomatiya sahəsində gələcək fəaliyyətdə mühüm rol oynayıb.
“Nəticədə 2019-cu ilin 7 ayının yekunları üzrə iki ölkə arasında ticarət dövriyyəsi 72% artıb”, - deyə səfir vurğulayıb.
Ş.Fayziyev əmindir ki, Bakı ilə Daşkənd arasında etimad üzərində qurulan sıx münasibətlər dərin tarixi köklərə, milli ənənələrin, dil və mədəniyyətin ümumiliyinə əsaslanır.
“Əminəm ki, iqtisadiyyat, ticarət, nəqliyyat və humanitar sahələrdə əlaqələrin genişləndirilməsi üçün mövcud qarşılıqlı maraq, eləcə də ali və yüksək səviyyələrdə əlaqələr xalqlarımızı daha da yaxınlaşdıracaq”, – deyə o qeyd edib.
Səfirin sözlərinə görə, 2018-ci ildə investisiyaların həcmi 2017-ci illə müqayisədə 280%, xarici kapitallı müəssisələrin sayı isə 863-dən 2,4 minədək artıb. 1 yanvar 2019-cu il tarixinə Özbəkistanda 8 min 250-dən çox belə müəssisə fəaliyyət göstərib.*
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət