İran İslam Respublikası ərazisində olan Azərbaycan Respublikası vətəndaşlarının ölkəyə geri qayıtması təmin edilir. Bu barədə Nazirlər Kabinetinin yanında operativ qərargah məlumat verir.

“Müəyyən olunmuş qrafiklə 276 nəfər Azərbaycan ərazisinə keçib. Sərhədi keçən vətəndaşlar xüsusi ayrılmış avtobuslarla karantin zonalarına aparılıb. Qeyd edək ki, İran İslam Respublikasından qayıdan vətəndaşlar mütləq şəkildə 14-29 gün müddətinə karantin rejiminə yerləşdirilir”, - məlumatda deyilir.

Qərargahdan bildirilir ki, əlavə sorğular üçün vətəndaşların Bakının Tehrandakı səfirliyi və Təbrizdəki Baş Konsulluğunda açılmış qaynar xətlərə müraciət etməsi və qeydiyyatdan keçməsi tövsiyə edilir.

Xəbər verildiyi kimi, fevralın 29-da Azərbaycan axşam saatlarında İranla hava əlaqəsini tam bağlayıb, o cümlədən, koronavirus xəstəliyinin yayılmaq təhlükəsi ilə əlaqədar bu ölkə ilə sərhədi 2 həftə müddətinə bağlayıb. **

B.Rüstəmbəyov