2021-ci ilin yanvar ayında Azərbaycan Dövlət Neft Fondu (ARDNF) tərəfindən valyuta satışının artması tələbin qısamüddətli yüksəlməsi ilə əlaqədardır. "İnterfaks-Azərbaycan" agentliyinin məlumatına görə, "Qazprombank"ın analitikləri belə hesab edirlər.
Xəbər verildiyi kimi, ARDNF cari ilin yanvar ayında valyuta hərraclarında $644,9 milyon satıb.
"2021-ci ilin yanvar ayında ARDNF-in satdığı valyutanın həcmi 2020-ci ilin dekabr ayına nisbətən ($637,8 milyon) 1,1% artıb və pandemiyanın başlanğıcında satışların pik həddə çatdığı 2020-ci ilin mart səviyyəsindən ($1,9 milyard) 3 dəfə aşağı olaraq qalır. Yanvar ayında ARDNF tərəfindən valyuta satışlarının həcminin cüzi artımı manatın mümkün devalvasiyası barədə təsdiqini tapmamış məlumatlarla əlaqədar yanvar ayının ortalarında ev təsərrüfatlarının xarici valyutaya tələbinin qısamüddətli artması ilə şərtlənib, nəticədə yanvarın 12-də keçirilən hərracda satışların həcmi $142,2 milyona qədər artaraq yanvar həcminin 22%-ni təşkil edib", - deyə QPB-nin "Bazarların naviqatoru" adlı icmalında bildirilir.
Analitiklərin qiymətləndirmələrinə görə, Azərbaycan Mərkəzi Bankının ortamüddətli perspektivdə manatın sabit məzənnəsinin dəstəklənməsi niyyətini əks etdirən operativ şərhi sayəsində əhalinin devalvasiya gözləntiləri normallaşıb.
"Nəzərə alsaq ki, 2021-ci ildə ARDNF-dən dövlət büdcəsinə transfertlərin həcmi 12,2 milyard manat və ya $7,2 milyard səviyyəsində planlaşdırılıb, yanvar ayında isə planlaşdırılan həcmin təxminən $645 milyonu və ya 9%-i satılıb, qalan 11 ayda (2021-ci ilin fevral-dekabr aylarında) orta aylıq satış həcmi $600 milyon təşkil edəcək ki, bu da yanvar səviyyəsi ilə müqayisə edilə bilər", - deyə icmalda qeyd olunur.
"Qazprombank"da bir daha vurğulayıblar ki, Azərbaycan beynəlxalq ehtiyatlarla ən çox təmin olunmuş MDB ölkələrindən biridir. 1 yanvar 2021-ci il tarixinə olan vəziyyətə görə, ARDNF-in aktivləri nəzərə alınmaqla, Azərbaycanın beynəlxalq ehtiyatları təqribən $50 milyard təşkil edib və 2020-ci ildə ÜDM-in 120%-nə yaxınlaşaraq 58 aylıq idxalın ödənilməsini təmin edib.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət