“Renaissance Capital” (sərhəd və inkişaf etməkdə olan bazarlara yönəlmiş aparıcı müstəqil investisiya şirkətlərindən biridir, mənzil qərargahı Londonda yerləşir) 2022-2023-cü illərdə Azərbaycanda ÜDM-in illik artımını təxminən 3% səviyyəsində proqnozlaşdırır.
“İnterfaks-Azərbaycan” agentliyi şirkətin proqnozlarına istinadən xəbər verir ki, 2022-ci ildə ölkədə ÜDM 3%, 2023-cü ildə 2,7% artacaq.
“2022-ci ilin birinci yarısında Azərbaycanda ÜDM 6,2% artıb (2021-ci ildə 5,6%-lik artımdan sonra) və bu artım demək olar ki, tamamilə qeyri-neft-qaz sektorunun hesabına təmin edilib. Neft-qaz sektorunda neft hasilatının azalması qaz hasilatı və ixracının artması (müvafiq olaraq 15% və 23%) ilə kompensasiya olunub”, - deyə şirkətin analitikləri qeyd edirlər.
Şirkətdə hesab edirlər ki, Azərbaycan kifayət qədər yığılmış ehtiyatlara malikdir ki, bu da ölkəyə 2023-2024-cü illərdə dünya xammal bazarlarındakı tərəddüdlərlə əlaqədar mümkün problemləri aradan qaldırmağa imkan verəcək.
Onların qiymətləndirmələrinə görə, yaxın illərdə ölkədə ÜDM-in artımı həm də azad olunmuş ərazilərin - Qarabağ və Şərqi Zəngəzurun inkişafına yönəldilən investisiyalarla (təxminən $1,5 milyard və ya 2022-ci ildə ÜDM-in 2,2%-i) tərəfindən dəstəklənməlidir.
“Renaissance Capital”ın analitikləri hesab edirlər ki, 2022-2024-cü illərdə manatın dollara qarşı məzənnəsi 1,7 manat/$1 səviyyəsində qalacaq. “Biz Azərbaycan manatının dollara qarşı 1,70 manat səviyyəsində məzənnəsinə yenidən baxılması üçün ciddi drayever görmürük”, - deyə analitiklər qeyd ediblər.
“Renaissance Capital”da vurğulayırlar ki, dünya bazarlarında yanacaq qiymətlərinin artması tədiyə balansının cari əməliyyatlar hesabının profisitinin yüksək səviyyəsini (2022-ci ildə ÜDM-in 15%-dən çox hissəsini) dəstəkləyəcək. “Ortamüddətli perspektivdə büdcə ehtiyatları və əhəmiyyətli həcmdə yığılmış ehtiyatlar manatın sabitliyinin əsasını təmin edir”, - deyə şirkətin icmalında qeyd edilir.
Azərbaycan hökuməti 2022-ci ildə ÜDM-in 4%-ə qədər artacağını proqnozlaşdırır.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət