Ermənistanın baş naziri Nikol Paşinyan bəyan edib ki, İrəvan Azərbaycana çərçivə sazişi imzalamağı, sərhədin delimitasiyası üçün isə 1990-cı ilin xəttini əsas götürməyi təklif edir.

“Təcrübə göstərir ki, əgər biz bütün məsələləri detallı şəkildə həll etməyə çalışsaq, çətinliklərimiz ola bilər, bu səbəbdən Ermənistan sazişin çərçivə variantını imzalamağı təklif edir. Bu qəbul olunan təcrübədir. Ermənistan ərazi bütövlüyünün və suverenliyin qarşılıqlı tanınması əsasında Azərbaycanla sülh haqqında çərçivə sazişi imzalamağa hazırdır”, - Paşinyan çərşənbə günü parlamentdə bildirib.

Onun sözlərinə görə, İrəvan ümid edirdi ki, sülh sazişi qüvvəyə mindiyi anda Ermənistan-Azərbaycan sərhədinin delimitasiyası prosesi çaşa çatmalıdır.

“Lakin indi müəyyən siqnallar var ki, bu tam real deyil. Lakin qərar var – biz 1990-cı ilin xəttini əsas kimi götürməyi, qoşunları eyni anda geri çəkməyi, monitorinq mexanizminin yaradılmasını, bütün bu ərazini sərhədçilərin nəzarətinə verməyi və donra rahat şəraitdə bir neçə il çəkə biləcək delimitasiya prosesinə keçə bilərik”, - Paşinyan qeyd edib.

Daha sonra o əlavə edib: “Ermənistan-Azərbaycan münasibətlərini Qarabağ ermənilərinin hüquqları məsələsi ilə əlaqələndirməmək, bizim bu məsələni gündəmdən çıxarmağa razılıq verməyimiz demək deyil”.

Həmçinin, Paşinyan əlavə ki, “Vaşinqtonda Ermənistan Azərbaycana şərhlər və təkliflər təqdim edib, əslində sülh sazişi üzrə bizim mətni və biz Azərbaycandan cavab gözləyirik”.

Onun sözlərinə görə, Ermənistan Azərbaycanla münasibətlərin həllinə dair Rusiyanın təklifləri ilə razılaşıb. Həmin təkliflərin mahiyyəti ondan ibarətdir ki, “Qarabağın statusu məsələsi qeyri-müəyyən müddətə təxirə salınır”.

O cümlədən, Paşinyan qeyd edib ki, Ermənistanda Azərbaycanla parlamentlərarası əlaqələrin təşkili ideyasına müsbət yanaşırlar. **