Astana Qazaxıstan neftinin dünya bazarlarına Azərbabarycan vasitəsilə daşınmasının həcmini artırmağı planlaşdırır. Bu barədə Qazaxıstanın energetika naziri Almasadam Satkaliyev bəyan edib.

Martın 5-də Satkaliyev Astanada Azərbaycanın energetika naziri Pərviz Şahbazovla görüş keçirib və tərəflər ölkələrin enerji, Qazaxıstan neftinin tranziti, bərpa olunan enerji mənbələrinin irimiqyaslı layihələrinin həyata keçirilməsi sahəsində əməkdaşlığı ilə bağlı bir sıra məsələləri müzakirə ediblər.

"Milli şirkətlərimizin qarşısına Qazaxıstanda hasilatın artımını nəzərə alaraq neft tədarükünün həcminin artırılması vəzifəsi qoyulub. Bununla əlaqədar Qazaxıstan neft tədarükünün həcmini artırmağı planlaşdırırıq", - Qazaxıstan Energetika Nazirliyinin mətbuat xidməti Satkaliyevin sözlərindən sitat gətirib.

“İnterfaks-Azərbaycan” daha əvvəl xəbər verib ki, 2023-cü ilin noyabr ayında “KazMunayQaz” ilə SOCAR arasında Aktau-Bakı-Ceyhan marşrutu ilə illik 1,5 milyon ton həcmində neftin tranzitinə dair 5 illik saziş imzalanıb.

Qazaxıstan Energetika Nazirliyinin məlumatına görə, 2023-cü ilin yekunları üzrə Aktau llimanından Bakı-Tblisi-Ceyhan (BTC) istiqamətində neft nəqli 1 milyon 57 min ton təşkil edib. 2024-cü il üçün BTC vasitəsilə Qazaxıstan neftinin tədarükü 1,5 milyon ton həcmində planlaşdırılıb.

«İki ölkənin energetika nazirləri həmçinin Xəzər dənizinin dibi ilə dərin dəniz kabeli çəkməklə Qafqaz regionu ilə Mərkəzi Asiyanın enerji sistemlərinin birləşdirilməsinə yönəlmiş layihənin həyata keçirilməsi ilə bağlı görüləcək işləri müzakirə ediblər», - Energetika Nazirliyi vurğulayır. **