Azərbaycanlılar və ermənilər Dağlıq Qarabağda yalnız Ermənistan işğal etdiyi ərazilərdən qoşunlarını çıxarmaqla BMT qətnamələrini yerinə yetirdiyi halda dinc yanaşı yaşaya bilərlər. Bu sözləri Dağlıq Qarabağın azərbaycanlı icmasının sədri, Milli Məclisin deputatı Tural Gəncəliyev bildirib.
"30 ilə yaxındır ki, Ermənistan Dağlıq Qarabağın və Azərbaycanın digər ətraf rayonlarının işğalını davam etdirir ki, bu da beynəlxalq hüququn kobud şəkildə pozulmasıdır. Bizim insanlarımız etnik təmizləmələrə, hücumlara məruz qalıblar və bir milyondan çox azərbaycanlı evsiz qalıb. Bu işğala qədər biz bir-birimizlə: Dağlıq Qarabağda ermənilərlə sülh şəraitində yaşayırdıq", - deyə Gəncəliyev "Şərq tolerantlığının və dünyəvi cəmiyyətin formalaşmasında Azərbaycanın təcrübəsi" mövzusunda Avropa-Azərbaycan konfransında bildirib.
Onlayn konfransın təşkilatçısı Siyasi Tədqiqatlar İnstitutudur.
Onun sözlərinə görə, Ermənistan rəhbərliyinin mövqeyi iki icma arasında dialoqun qurulmasına və münaqişənin həllinə mane olur. "Buna baxmayaraq, biz Dağlıq Qarabağda erməni və Azərbaycan xalqlarının dinc yanaşı yaşamasına inanırıq. Amma bu məqsədə nail olmaq üçün işğal dayandırılmalıdır və biz məhv edilmiş dinc birgə yaşayışı bərpa etməliyik", - deyə o əlavə edib.
Gəncəliyevin sözlərinə görə, Azərbaycan dini dözümlülük, müxtəlif xalqların və dinlərin əsrlər boyu dinc yanaşı yaşadığı ölkədir. "Azərbaycan dünyada müsəlmanların və xristianların eyni bayramları bir yerdə qeyd etdikləri az saylı ölkələrdən biridir. Məscidlərimiz, kilsələrimiz və sinaqoqlarımız bir-birinin yanında yerləşir. Biz, həmçinin ölkəmizdə erməni irsini qoruyub saxlayırıq, məsələn, Bakı şəhərinin mərkəzində yerləşən və erməni dilində minlərlə qiymətli əlyazmanın olduğu erməni kilsəsinin qorunub saxlanması Azərbaycan multikulturalizmi və tolerantlığının çox gözəl nümunəsidir. Bu qədim multikulturalizm ənənələri müasir xarici siyasətə də öz təsirini göstərir", - deyə o vurğulayıb.
Milli Məclisin deputatı Azay Quliyev konfransda Gəncəliyevlə həmrəy olduğunu bildirərək qeyd edib ki, Ermənistan Dağlıq Qarabağ münaqişəsinin sülh yolu ilə həllinə çalışmır. "Bu ilin martında Ermənistan liderləri koronavirus pandemiyasının yayılmasına və beynəlxalq hüquq prinsiplərinin kobud şəkildə pozulmasına baxmayaraq, Azərbaycanın işğal olunmuş ərazilərində - Dağlıq Qarabağda qondarma seçkilər keçiriblər. Lakin Azərbaycanın işğal olunmuş ərazilərində keçirilən bu qanunsuz, qondarma seçkilər bütün ölkələr və beynəlxalq təşkilatlar tərəfindən tanınmadı", - deyə Quliyev vurğulayıb.
O əlavə edib ki, Ermənistanın yeni hakimiyyəti münaqişəni mümkün qədər uzun müddət həll olunmamış saxlamağa çalışır. "Müxtəlif həll cəhdlərinə baxmayaraq, təəssüf ki, bu istiqamətdə heç bir irəliləyişə nail olunmayıb. Bir neçə həftə əvvəl bəyanat vermiş Rusiyanın xarici işlər naziri Sergey Lavrovun sözlərini misal gətirmək istəyirəm. O, bəyanatında münaqişənin həllinə addım-addım yaxınlaşmaq üçün sülh yolu ilə nizamlanmanın məqsədini xatırladıb. Bu, həm də Dağlıq Qarabağa bitişik yeddi rayonun işğaldan azad edilməsini nəzərdə tutur", - deyə deputat qeyd edib.
Quliyev xatırladıb ki, Ermənistan uzun illərdir ki, azərbaycanlıları girov saxlayır və girovların "hamının hamıya" prinsipi ilə dəyişdirilməsindən imtina edir.*
X.Nəsirzadə
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət