Ukrayna Prezidenti Volodimir Zelenski azərbaycanlı həmkarı İlham Əliyevlə ölkələrin qarşılıqlı maraq sahələrində konkret layihələrin reallaşdırılmasına hazır olduqlarına dair Birgə Bəyannamə imzaladığını bildirib.
“Bu, həm suverenliyin və ərazi bütövlüyünün qarşılıqlı dəstəklənməsi, həm Qara dəniz-Xəzər regionunda və onun hüdudlarından kənarda sülh və sabitliyin təmin olunması, hibrid təhdidlərə qarşı mübarizədə əməkdaşlığın genişləndirilməsi, müdafiə sənayesi sahəsində əməkdaşlığın möhkəmləndirilməsi, beynəlxalq və regional təşkilatlar və forumlar çərçivəsində əməkdaşlığın dərinləşdirilməsi deməkdir”, - deyə o, Facebook səhifəsində yazıb.
Zelenski bildirib ki, Ukrayna ilə Azərbaycan arasında tarixən sıx və məhsuldar əməkdaşlıq əlaqələri mövcud olub və tezliklə dövlətlər arasında diplomatik münasibətlərin qurulmasının 30 ili tamam olacaq.
Ukrayna dövlətinin başçısı koronavirus pandemiyasına baxmayaraq, 2021-ci ildə Ukrayna ilə Azərbaycan arasında ticarət dövriyyəsinin artdığını qeyd edib. Onun sözlərinə görə, ölkələr bununla kifayətlənmək niyyətində deyil. “Cənab Prezident Əliyevlə növbəti iki ildən sonra ikitərəfli ticarətin həcmini iki dəfə artırmağı qarşıya məqsəd qoyduq”, - deyə Zelenski qeyd edib.
Bundan başqa, Azərbaycan nümayəndə heyəti ilə iki ölkənin iqtisadi-ticarət, yanacaq-energetika, hərbi-texniki, infrastruktur, aqrar sənaye, mədəni-humanitar sahələrdə əməkdaşlığının yeni məzmunla zənginləşdirilməsi planları ətraflı müzakirə olunub.
“İlham Əliyevin qeyd etdiyi kimi, Ukrayna ilə Azərbaycan arasında əməkdaşlıq möhkəm dostluğa əsaslanır, bu gün Kiyevdə imzalanan sənədlər isə ikitərəfli münasibətlərin dərinləşməsinə kömək edəcək. Xüsusilə Ukrayna-Azərbaycan danışıqlarının nəticələrinə əsasən, qida təhlükəsizliyi sahəsində əməkdaşlığa dair hökumətlərarası saziş, həmçinin ikitərəfli ticarətdə təcili əməkdaşlıq, aqrar sahədə əməkdaşlıq, energetika sahəsində əməkdaşlığın genişləndirilməsi, torpaq münasibətləri sahəsində əməkdaşlıq haqqında Anlaşma memorandumları imzalanıb”, - deyə Ukrayna Prezidenti yazıb.
Tərəflər, həmçinin 2022-ci ilin birinci yarısında hökumətlərarası birgə iqtisadi komissiyanın iclasının keçirilməsi ilə bağlı razılığa gəlib. Xüsusilə Ukrayna və Azərbaycan Prezidentləri Şurasının iclasının keçirilməsi planlaşdırılır.
“Əminəm ki, əldə etdiyimiz razılaşmalar dövlətlərimiz arasında strateji tərəfdaşlığın daha təsirli, məzmunlu və qarşılıqlı faydalı mərhələsini başlayır”, - deyə Zelenski vurğulayıb.*
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət