2022-ci ilin yanvar-iyun aylarında Azərbaycan gömrük bəyannamələrinə əsasən 11 milyard 364 milyon 844,7 min kubmetr qaz ixrac edib ki, bu da 2021-ci ilin müvafiq dövrünün göstəricisindən 9,5% çoxdur. Bu barədə “İnterfaks-Azərbaycan” agentliyinə Dövlət Gömrük Komitəsindən (DGK) məlumat verilib.
Bu dövrdə qaz ixracından $7 milyard 440 milyon 434,54 min məbləğində gəlir (artım 4,7 dəfə) əldə edilib. Azərbaycandan ümumi ixracın 40,26%-i qaz ixracının payına düşüb.
2022-ci ilin yanvar-iyun aylarında ixracın əsas həcmi - $5 milyard 306 milyon 823,16 min məbləğində 4 milyard 533 milyon 297,93 min kubmetr qaz (bütün ixracın 39,9%-i) İtaliyanın payına düşüb.
2022-ci ilin yanvar-iyun aylarında ölkələr üzrə qaz ixracının strukturu aşağıdakı kimidir:
Ölkə |
Həcm, min kubmetr |
2021-ci ilin yanvar-iyun ayları ilə müqayisədə |
Gəlir, min dollar |
2021-ci ilin yanvar-iyun ayları ilə müqayisədə |
Türkiyə |
4 278 484,1 |
- 32% |
1 264 514,24 |
+43,6% |
Gürcüstan |
1 809 604,24 |
- 9,1% |
244 271,88 |
- 3,4% |
İtaliya |
4 533 297,93 |
+ 2,8 dəfə |
5 306 823,16 |
+14,6 dəfə |
Bolqarıstan |
152 702,98 |
+27,7% |
41 370,39 |
+2,5 dəfə |
Yunanıstan |
463 397,07 |
+ 1,7 dəfə |
578 620,84 |
+8,4 dəfə |
İran |
127 358,39 |
+51,5% |
4 834,03 |
+51,5% |
Cəmi |
11 364 844,7 |
+9,5% |
7 440 434,54 |
+4,7 dəfə |
Azərbaycan qazının TAP kəməri ilə İtaliya, Yunanıstan və Bolqarıstana tədarükü 2020-ci il dekabrın 31-dən başlayıb.
TAP-ın ümumi uzunluğu 878 km təşkil edir, bunun 550 km-i Yunanıstanın şimal hissəsindən, 215 km-i Albaniyadan, 105 km-i Adriatik dənizindən, 8 km-i isə İtaliya ərazisindən keçir. TAP Azərbaycan qazının Avropaya nəqli üçün infrastrukturun yaradılmasını nəzərdə tutan “Cənub Qaz Dəhlizi” layihəsinin sonuncu komponentidir.
Qaz kəməri “Mərhələ-2” çərçivəsində “Şahdəniz” yatağından hasil edilən 10 milyard kubmetr təbii qazın Avropaya nəqli üçün nəzərdə tutulub. Kəmərin ötürücülük qabiliyyəti onun gücünü iki dəfə - ildə 20 milyard kubmetrə qədər artırmağa imkan verir.
2021-ci ildə Azərbaycan Avropaya 8,2 milyard kubmetr qaz ixrac edib, 2022-ci ildə bu həcm 12 milyard kubmetr təşkil edəcək. 2022-ci ildə 24 milyard kubmetr (2021-ci ildə 22 milyard kubmetr) Azərbaycan qazı ixrac ediləcək.
Bundan başqa, Azərbaycan qazı Türkiyə (TANAP və Cənubi Qafqaz boru kəməri (CQBK) ilə) və Gürcüstana da (CQBK və Qazıməmməd-Qazax qaz kəməri ilə) ixrac edilir.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət