Bazar günü Azərbaycanın xarici işlər naziri Ceyhun Bayramov Rusiya Federasiyasına işgüzar səfərə yola düşüb.Bu barədə Azərbaycan XİN-dən məlumat verilib.

Nazirlikdən qeyd edilib ki, səfər çərçivəsində Bayramov Rusiya Federasiyasının xarici işlər naziri Sergey Lavrov ilə görüş keçirəcək və ikitərəfli tədbirlərdə iştirak edəcək.

Öncə məlumat verilib ki, bazar ertəsi Azərbaycan və Rusiya XİN başçıları arasında danışıqlar baş tutacaq. RF XİN-dən bazar günü verilən məlumata əsasən, Lavrov ilə Bayramovun görüşü zamanı “ikitərəfli əməkdaşlığın vəziyyəti və perspektivlərinin müzakirə olunması, həmçinin regional və beynəlxalq gündəmin ən aktual cəhətləri, o cümlədən Azərbaycan-Ermənistan münasibətlərinin normallaşdırılması məsələləri barədə fikir mübadiləsi aparılması planlaşdırılır".

«Bayramovun qarşıdakı səfərini etibarlı Rusiya-Azərbaycan siyasi dialoqunun davam etdirilməsi və qarşılıqlı faydalı əməkdaşlığın daha da genişləndirilməsi kontekstində nəzərdən keçiririk», - RF XİN-dən qeyd ediblər. **

R.Kərimov