Mərkəzi Seçki Komissiyası (MSK) Müsavat Partiyasının parlament seçkilərində iştirakdan imtinası ilə bağlı müraciətini qəbul etməyib.
MSK-nın cümə axşamı keçirilən növbəti iclasında komissiya sədrinin müavini Natiq Məmmədov bildirib ki, Müsavat Partiyasının səlahiyyətli nümayəndəsi Gülağa Aslanlı MSK-ya müraciət edərək partiyanın seçkilərdə iştirakdan imtina etdiyini və seçkilərin 4 ay təxirə salınmasını istədiyini bildirib.
N.Məmmədovun sözlərinə görə, seçkilərin 4 ay təxirə salınması barədə təklif Azərbaycan qanunvericiliyə uyğun deyil.
“Seçkilərdə iştirakdan imtina hüququ səsverməyə 10 gün qalmışa qədər mövcuddur. Çünki həmin müddətdən sonra namizədlərin adları bülletenlərə salınır. Müsavat Partiyasının hərəkətləri qanunvericiliyə ziddir. Seçkilər gününə 10 gün qalmış seçki bülletenləri çap edilib, namizədliyin seçkilərə 10 gündən az qaldığı müddətdə geri götürülməsi isə seçiciləri çaşdıra bilər”, - deyə MSK-nın sədr müavini vurğulayıb.
MSK sədri Məzahir Pənahov isə qeyd edib ki, bu cür sənədin qəbulu seçicilər arasında çaşqınlıq yarada bilər.
“Bu, seçiciləri çaşdıra bilər. Təbii ki, biz bu müraciəti qəbul edə bilmərik. Namizədlər partiya tərəfindən irəli sürülüb və partiya da onları geri çağıra bilər. Lakin Seçki Məcəlləsində hazırkı seçkiöncəsi mərhələdə namizədlərin geri çağırılması proseduru əks olunmayıb. Əgər onlar əvvəlcədən seçkilərdə iştirak etmək istəmirdilərsə, o zaman vaxtında dairə seçki komissiyalarına müraciət etməli idilər. Əgər belə etməyiblərsə, demək, başqa məqsədlər güdürlər. Hazırda dairə seçki komissiyaları bu cür müraciətlər qəbul edə bilməz”, - deyə MSK sədri vurğulayıb.
Beləliklə, MSK Müsavat Partiyasının müraciətini qəbul etməyib.
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bakcell Fəvvarələr Meydanında yeni innovativ mağazasını təqdim etdi!
Yelo Bank “Summer Challenge 2024” təcrübə proqramını elan edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət