Azərbaycan-Türkiyə birliyi artıq çox ciddi geosiyasi faktora çevrilib. Bunu prezident İlham Əliyev deyib.
“Türkiyə Azərbaycanı hər zaman dəstəkləyib və dəstəkləməkdə davam edir. Bu gün Azərbaycan-Türkiyə birliyi artıq çox ciddi geosiyasi faktora çevrilib. Və bu, çox müsbət faktordur”, - deyə dövlət başçısı Türkiyənin "A Haber" televiziya kanalına müsahibəsində bildirib.
O qeyd edib ki, Türkiyə-Azərbaycan birliyi üçüncü ölkələrin maraqlarına qarşı yönəlməyib.
"Biz, sadəcə olaraq, öz maraqlarımızı müdafiə etməliyik. Öz yolumuzu davam etdiririk, heç kimsə bizim işimizə qarışmasın, heç kimsə bizim daxili məsələlərimizə burnunu soxmasın, biz bunu istəyirik. Dost olaq, tərəfdaş olaq, iş birliyi edək, amma sizinki sizdə, bizimki bizdə, bunu biz istəyirik və buna haqqımız çatır", - deyə Əliyev vurğulayıb.
Türkiyənin Dağlıq Qarabağ münaqişəsi ilə bağlı danışıqlar prosesində iştirakına toxunan prezident bildirib ki, Türkiyə de-fakto burdadır.
“Bu gün Türkiyə Rusiya ilə fəal şəkildə təmasdadır. Minsk qrupu 1992-ci ildə təşkil olunduğu üçün, zatən Minsk qrupunun üzvüdür, o zaman bilmirəm hansı səbəblərdən Türkiyə həmsədr olmadı. Biz çox istərdik ki, bəri başdan Türkiyə həmsədr olsun. Ancaq o zaman Türkiyə özü bunu eləmədi. Özü bunu istəsəydi, məncə, olardı. Minsk qrupu 30 il ərzində bir nəticəyə nail olmadı”, - deyə İ.Əliyev bildirib.
O, həmçinin deyib ki, Qarabağ məsələsində Fransanın bitərəfliyi məsələsi artıq öz həllini tapıb və bu ölkə bitərəf olaraq qalacaq.
“Mənim Fransa prezidenti ilə son telefon danışığım çox müsbət olub. Fransa həmsədr ölkə kimi bitərəf olmalıdır. Hər ölkənin hər bir başqa ölkə ilə xüsusi əlaqələri ola bilər. Milli səviyyədə hər ölkə sərbəstdir. Heç kimsə buna irad da tuta bilməz. Ancaq həmsədrlik artıq başqa bir mexanizmdir. Həmsədr olan ölkələr üzərinə bu, böyük məsuliyyət qoyur. Ona görə onlar bu mandat çərçivəsində gərək tərəfsiz olsunlar, bitərəf olsunlar”, - deyə dövlət başçısı əlavə edib.
O deyib ki, Azərbaycan Türkiyə ilə hərbi əməkdaşlığı möhkəmləndirmək niyyətindədir. Lakin Türkiyənin Azərbaycanda hərbi bazasının yaradılması məsələsi heç zaman müzakirə predmeti olmayıb.*
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət