Prezident İlham Əliyev əmindir ki, Bakı və İrəvan tezliklə bütün məsələləri tənzimləyəcək və sülh müqaviləsi imzalayacaq.

“O gün uzaqda deyil - Azərbaycan və Ermənistan öz aralarında olan məsələləri tənzimləyəcək, sülh müqaviləsi imzalayacaq və Cənubi Qafqaz ölkələri üçtərəfli formatda gələcək əməkdaşlıq haqqında işləməyə başlayacaqlar”, - deyə dövlət başçısı sentyabrın 20-də xalqa müraciətində bildirib.

Onun sözlərinə görə, Ermənistan dövlətinin dünən və bu gün sərgilədiyi mövqe ümidlər verir.

“Ermənistan bu dövr ərzində - dünən, bu gün deyə bilərəm ki, gözlənilmədən siyasi səriştə göstərib və biz bunu qiymətləndiririk. Bunu önəmli amil kimi görürük və hesab edirəm ki, dünən və bu gün baş vermiş hadisələr, eyni zamanda, Azərbaycanla Ermənistan arasında gedən sülh prosesinə də müsbət təsir göstərəcək. Biz onların ərazi bütövlüyünü tanıyırıq və bunu bəyan etmişik, bütün ölkələrin ərazi bütövlüyünü tanıyırıq”, - deyə Əliyev əlavə edib.*

R.Əhmədov