2023-cü ildə Azərbaycanın tədiyə balansının cari əməliyyatlar hesabının profisiti $8,3 milyard təşkil edib. Bunu Azərbaycan Mərkəzi Bankının (AMB) Statistika Departamentinin direktoru Samir Nəsirov deyib.
“2023-cü ilin nəticələrinə əsasən, tədiyə balansının cari əməliyyatlar hesabının profisiti $8,3 milyard və ya ÜDM-in 11,5%-ni təşkil edir”, - Nəsirov cümə günü brifinqdə bildirib.
Onun sözlərinə görə, 2022-ci ilin müvafiq dövrü ilə müqayisədə profisit 64,7%və ya 2,8 dəfə azalıb ki, bu da 2023-cü ildə dünya bazarında neft və qazın ucuzlaşması ilə əlaqədardır.
Xüsusilə, AMB-nin saytında dərc olunmuş tədiyə balansının məlumatına görə, 2023-cü ildə Azərbaycan neftinin bir barelinin orta qiyməti 2022-ci ildə $103,7-yə qarşı $85,9 təşkil edib.
Neft-qaz sektoru üzrə profisit $17 milyard 91,5 milyon (azalma 40,4%), qeyri/neft-qaz sektoru üzrə kəsir $8 milyard 762,1 milyon (artım 68,9%) təşkil edib.
AMB-nin məlumatına görə, 2023-cü ildə xarici ticarət dövriyyəsinin həcmi $45,6 milyard təşkil edib və Azərbaycan xarici ticarətdə $12 milyard 805,6 milyon (azalma 55,4%) məbləğində profisitə malik olub. Xarici ticarət dövriyyəsinin 13,4%-i MDB, 86,6%-i uzaq xarici ölkələrin payına düşüb.
$29 milyard 202,1 milyon həcmində ixracın (azalma 30,8%) strukturunda neft-qaz ixracı $25 milyard 935 milyon (azalma 34%), neft ixracı $16,8 milyard, qaz ixracı $8,4 milyard, neft məhsullarının ixracı $0,7 milyard təşkil edib.
$16 milyard 396,5 milyon həcmində idxalın (artım 21,4%) strukturunda $6 milyard 477,3 milyon istehlak mallarının, o cümlədən $1 milyard 987,1 milyon ərzaq mallarının payına düşüb. Hesabat dövründə ölkəyə $656,2 milyon dəyərində (artım 11,4%) və ya bütün idxalın 4%-i səviyyəsində avadanlıq və xüsusi mallar idxal edilib.
Xəbər verildiyi kimi, 2022-ci ildə Azərbaycanın tədiyə balansının cari əməliyyatlar hesabının profisiti rekord $23 milyard 478,1 milyon (2021-ci ilin göstəricisindən +2,8 dəfə) və ya yüksək neft və qaz qiymətləri fonunda ÜDM-in 23,5%-ni təşkil edib. **
X.Nəsirzadə, A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
AccessBank dollar əmanətləri üzrə faiz dərəcələrini artırdı
AccessBank regionlarda iştirakını möhkəmləndirir: Yeni filial artıq Qubada
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət