Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev bu gecə Füzuli-Şuşa avtomobil yolunda mina partlaması nəticəsində iki mülki şəxsin həlak olması xəbərindən sonra beynəlxalq ictimaiyyəti Ermənistanın Azərbaycan ərazilərində mina yerləşdirməsini pisləməyə çağırıb.

O qeyd edib ki, İkinci Qarabağ müharibəsindən sonra erməni tərəfinin yerləşdirdiyi minaların partlaması nəticəsində 308 Azərbaycan vətəndaşı həlak olub və xəsarət alıb.

Hacıyevin fikrincə, “erməni tərəfi bu cür hərəkətləri ilə qorxu salmağa, fərq qoymadan azərbaycanlı mülki vətəndaşları qətlə yetirməyə, azərbaycanlı məcburi köçkünlərin vətənə qayıtmasına və işğaldan azad edilmiş ərazilərdə (Qarabağ və Şərqi Zəngəzurda - İF) mülki əhalinin yenidənqurma işlərinə mane olmağa, yeni salınan yolların nəqliyyat üçün bərbad olduğunu sübut etməyə çalışır”.

“Bu, beynəlxalq ictimaiyyət tərəfindən pislənməlidir”, - Hacıyev “X” sosial şəbəkəsində yazıb. **

R.Kərimov