Milli Məclisə seçkilərdə iştirak üçün qeydiyyata alınan namizədlərin sayı 800-ə yaxınlaşır. Bu barədə Mərkəzi Seçki Komissiyasının (MSK) sədri Məzahir Pənahov “Azərbaycan Respublikasının Milli Məclisinə seçkilər: seçkiqabağı təşviqat prosesində KİV-in rolu və vəzifələri” mövzusunda seminarda bəyan edib.
“Seçkilərdə iştirak etmək üçün 1700-dən artıq şəxs namizədliklərinin qeydə alınmasına dair ərizə təqdim edib. MSK 700-dən artıq şəxsin namizədliyini qeydiyyata alıb, namizədlərin sayı 800-ə yaxınlaşır”, - deyə M.Pənahov qeyd edib.
Onun sözlərinə görə, oktyabrın 2-də saat 18:00-da namizədlərin qeydiyyatı üçün ərizələrin verilməsi müddəti bitir.
“Bu gün axşam namizədliyin qeydiyyata alınması üçün ərizələrin verilmə müddəti bitir. Sonra MSK bir həftə ərzində daxil olan ərizələrə baxış keçirəcək və onlarla bağlı qərarlar qəbul edəcək”, - deyə M.Pənahov bildirib.
MSK sədri parlament seçkilərinin iştirakçılarının sayının kifayət qədər çox olduğunu qeyd edib.
“Bu gün hər deputat mandatına orta hesabla 6 namizəd iddia edir. Proqnozlara əsasən, hər deputat yerinə orta hesabla 10 nəfər iddia edəcək. Namizədlərin sayı nə qədər çox olarsa, seçicilərin seçimi də bir o qədər çoxdur”, - deyə o söyləyib.
Onun sözlərinə görə, ölkədə demokratik seçkilərin təminatı üçün ictimai-siyasi vəziyyət sabit olmalıdır.
“Azərbaycanda ictimai-siyasi vəziyyət sabitdir. Azərbaycanlı seçicilər noyabrın 1-də Milli Məclisə seçkilər zamanı iradələrini azad şəkildə ifadə edə biləcəklər. Hamı əksəriyyətin rəyinə hörmətlə yanaşmalıdır. İndiyədək Azərbaycanda keçirilən seçkilər zamanı heç bir ciddi problemlər müşahidə olunmayıb”, - deyə M.Pənahov bildirib.
O, həmçinin vurğulayıb ki, Azərbaycan arzu edən hər kəsi seçkiləri izləməyə dəvət edir. “Azərbaycanın 3 dövlət qurumu: MSK, Milli Məclis və Xarici İşlər Nazirliyi beynəlxalq müşahidəçiləri seçkilərin monitorinqini keçirməyə dəvət edir. Siyasi istiqamətlərindən asılı olmayaraq, bütün beynəlxalq strukturlar da Azərbaycanda seçkiləri izləyə bilərlər. Lakin bizim üçün Azərbaycan vətəndaşlarının seçkilərin nəticələrindın razı qalması daha önəmlidir”, - deyə MSK sədri əlavə edib.
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət