Azərbaycanda hesab edirlər ki, Dağlıq Qarabağda sülh Rusiya və Türkiyə sülhməramlılarının birgə fəaliyyəti ilə təmin edilə bilər.
Azərbaycan Respublikası Sosial Tədqiqatlar Mərkəzinin keçirdiyi sorğunun nəticələrinə əsasən respondentlərin yarıdan çoxu (54,7%) bu fikirdədir.
Bölgədə sülhün təminatçısı rolunda yalnız Türkiyə sülhməramlılarını görən respondentlərin göstəricisi 29%-dir. Bu missiyanın beynəlxalq sülhməramlılar tərəfindən təmin ediləcəyini 4,5% respondent qeyd edib. Respondentlərin 1%-i isə yalnız Rusiya sülhməramlılarının bölgədə sülhü təmin edəcəyi qənaətindədir.
35,5% respondent Rusiya sülhməramlılarının bölgəyə gəlişinin nəticələrinin müsbət olacağını düşünür. 67% əmindir ki, bununla ermənilərin azərbaycanlılara qarşı təxribatının qarşısı alınacaq.
44,6% respondent isə Rusiya sülhməramlılarının bölgəyə gəlişinin mənfi nəticələr doğuracağını hesab edir.Həmin respondentlərin 84,7%-i Rusiya sülhməramlılarının daha çox ermənilərin maraqlarına xidmət edəcəyindən narahatdır. Narahatlığın ikinci səbəbi isə Qarabağda hərbi bazanın yaradılacağı ehtimalı ilə bağlıdır (42,9%).
19,9% respondent bununla bağlı fikir bildirməkdə çətinlik çəkib.
Əhalinin 57%-i Türkiyə sülhməramlılarının bölgədəki postlarda Rusiya sülhməramlıları ilə birlikdə olması ilə ermənilərin qanunsuz (anti-konstitusion) fəaliyyətinin qarşısının alınacağını düşünür.
Rəyi öyrənilənlərin 49,6%-i hesab edir ki, imzalanan razılaşmanın şərtlərinin yerinə yetirilməsi təmin ediləcək.
Respondentlərin 66,2%-i azərbaycanlılarla ermənilərin Qarabağın inzibati ərazilərində birgə yaşayışının heç vaxt mümkün olmayacağını hesab edir, 19,4% düşünür ki, bu, yalnız bir neçə ildən sonra mümkün olacaq, 4,8% isə bunun yaxın vaxtlarda mümkün olacağı qənaətindədir.
66% respondent əmindir ki, Azərbaycan və Ermənistan arasında hərbi münaqişə bir daha olmayacaq. 28,6% isə ölkələr arasında yeni hərbi münaqişənin olacağını düşünür.
Sorğuda Azərbaycanın iri şəhərlərində təsadüfi üsulla seçilmiş 603 respondent iştirak edib. Sorğunun aparılmasında telefon müsahibəsi üsulundan istifadə olunub.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət