Qaz ticarəti üçün elektron meydançanın yaradılması Türkiyə qaz habı layihəsinin həyata keçirilməsində prioritet mərhələdir, lakin Rusiyanın Türkiyəyə qaz kəməri tədarükünün genişləndirilməsi ilə bağlı ideyaları var. Bu barədə RF prezidenti Vladimir Putin “Rusiya Enerji Həftəsi”nin plenar sessiyası zamanı məlumat verib.

"Söhbət, ilk növbədə Avropa qitəsinə qaz ticarətinin elektron meydançasının yaradılmasından gedir. Bu məsələdə hamı maraqlıdır: həm türk dostlarımız, həm də biz, həm də ehtiyatlarımızı Avropa qitəsində almaq istəyən hər kəs", - Putin bildirib.

"(Qaz kəmərləri - İF) səmərəli işləyir, tam doludur. Prinsip etibarilə, bu imkanları genişləndirmək üçün ideyalarımız var. Lakin təkrar edirəm: birinci mərhələ - elektron ticarət meydançasının yaradılmasıdır. Burada böyük problem görmürük: Türkiyə də maraqlıdır, biz də maraqlıyıq", - deyə Rusiya prezidenti bildirib ki, Azərbaycan da layihəyə maraq göstərir. **